Niba ukunda Cinema Dore urutonde rwa Cinema udakwiye gucikwa muri uyu mwaka wa 2018……

Nyuma yo gusoza 2017 na film zikomeje kubica bigacika nka Jumanji yakinwe na Dwayne Johnson benshi bazi nka The Rock n’umunyarwenya Kevin Hart, ndetse na Star Wars: the Last Jedi; abakunzi ba sinema batangiranye umwaka amatsiko n’akanyamuneza kubera izindi nshya biteganyijwe ko zizasohoka mu minsi ya vuba.

Proud Mary igaragaramo Taraji P. Henson izerekanwa muri Kigali Century Cinema.

Muri film zitegerezanyijwe amatsiko harimo Proud Mary igaragaramo Taraji P. Henson, umugore w’umwirabura ufite izina rikomeye muri sinema ya Amerika, wegukanye ibihembo bikomeye birimo na Golden Globe Award. Abenshi bamuzi muri film y’uruhererekane ya Empire, akinamo yitwa Cookie Lyon.

Iyi film izirekanwa bwa mbere tariki ya 12 Mutarama 2018, igaruka ku mibereho y’umugore witwa Mary (Taraj P. Henson), umwicanyi kabuhariwe uba warubatse izina i Boston, nyuma ariko ubuzima bwe buza guhinduka ubwo yahuraga n’umwana w’umuhungu wagizwe impfubyi n’igikorwa cyo kwica yari yagiyemo ntikigenda uko yabiteguye.

Kuri iriya tariki kandi hazasohoka indi yitwa The Commuter ivuga ku nkuru y’umugabo witwa Michael McCauley (Liam Neeson), uba ukora muri sosiyete itanga ubwishingizi.

The Commuter ivuga ku nkuru y’umugabo witwa Michael McCauley

Iyi film irimo imirwano ikubiyemo inkuru y’uyu mugabo uba uri muri gari ya moshi ataha, akaganirizwa n’umugore umubwira ko ari buhembwe ibihumbi 100 by’amadolari mu gihe yabasha kuvumbura umugenzi udasanzwe ubihishemo mbere y’uko bagera aho ihagarara. Mu gihe akiri gusiganwa n’amasaha ariko ashaka kurangiza umukoro yahawe, aza kuvumbura ko yaguye mu mutego w’igikorwa cy’ubwicanyi kandi ubuzima bwe na bagenzi be buri mu kaga.

Izi film zombi abakunzi ba sinema mu Rwanda bazabasha kuzireba umunsi zizasohokeraho, kuko kuri iriya tariki zizerekanirwa mu nzu ya Century Cinema isanzwe ireberwamo film i Kigali.

Ku bakunzi b’uruhererekane rwa film ziswe The Maze Runner, amatsiko nyuma yo kureba igice cya kabiri cyiswe The Scorch Trials, agiye gushira kuko icya gatatu ari nacyo cya nyuma cyitwa The Death Cure kizasohoka tariki 26 Mutarama 2018, ndetse Century Cinema ikazayerekana uwo munsi.

Igice cya gatatu cya Maze Runner cyitwa The Death Cure kizasohoka tariki 26 Mutarama 2018.

Igice giheruka kirangira Thomas (Dylan O’Brien) ari gutegura umugambi wo kwinjira rwihishwa mu kigo WCKD kugira ngo ashakishe uburyo yatabara ubuzima bwa bagenzi biswe gladers, ndetse n’abandi baturage baba bararokotse, ese bazabigeraho? Ese buri wese azabona ibisubizo by’ibibazo yakomeje kwibaza nyuma yo kwisanga ahantu atazi icyo yibuka ari izina rye gusa?

Indi film udakwiye gucikwa ikomeje kwerekanwa muri Century Cinema ni Wonder igaruka ku buzima bw’umwana w’imyaka 10 witwa Auggie Pullman (Jacob Tremblay), uba waravukanye isura ifite imiterere idasanzwe. Imyitwarire ye n’umutima mwiza byatumye uyu mwana wabanje kwangwa, guhungwa, aba umuyoboro w’ubumwe mu banyeshuri biganaga ndetse n’umujyi iwabo bari batuyemo.

Wonder igaruka ku buzima bw’umwana w’imyaka 10 witwa Auggie Pullman (Jacob Tremblay), uba waravukanye isura ifite imiterere idasanzwe.

Igaragaramo ibihangange muri sinema birimo Julia Roberts wamyenyekanye muri film nyinshi zirimo Pretty Woman yo mu myaka ya 1990 na Mona Lisa Smile ndetse na Owen Wilson wamenyekanye muri film zitandukanye zirimo iyitwa The Internship yasohotse mu 2013.

Ntukwiye gucikwa na Shape of water, ikomeje kwerekanwa muri Century Cinema; irimo inkuru y’urukundo rudasanzwe hagati ya Elisa Esposito (Sally Hawkins) uba ufite ubumuga bwo kutavuga bwaturutse ku mpanuka yagize ari umwana, ndetse n’ikiremwa gifite ishusho y’ifi-muntu bise Asset (Doug Jones).

Iyi filim irimo inkuru y’urukundo rudasanzwe rugaragazwa na Elisa Esposito (Sally Hawkins) uba ufite ubumuga bwo kutavuga.

Nyuma yo kumenya ko hari gahunda yo kwica iki kiremwa kiba cyarazanywe ngo gikorerweho ubushakashatsi, Elisa agerageza ku gitabara. Ese abasha kubigeraho? Ntuzacikwe n’izi film zose.

NGAYO NGUKO!!!!!!!!!

 

WWW.GREATOF250.COM

Check Also

Munyana Aline bakundaga kwita Fifi bamusanze munzu ye yapfuye……..

Munyana Aline bakundaga kwita Fifi wacuruzaga akabari , I Nyamirambo mu kagari ka Mumena, Umurenge ...

Leave a Reply

Your email address will not be published. Required fields are marked *