Uganda yatangiye gucyura abasirikare bayo bari mu mahanga……

Leta ya Uganda yatangiye gukura abasirikare bayo muri Somaliya, aho bari mu butumwa bwo kugarura amahoro.

Ikinyamakuru Nation.co, gitangaza ko aba basirikare ba Uganda bacyuwe ku bw’icyemezo cy’Umuryango wa Afurika Yunze Ubumwe (AU), cyo kugabanya abasirikare muri Somalia bari bariyo mu butumwa bwo kugarura amahoro.

Ku wa Gatatu tariki ya 6 Ukuboza 2017, nibwo iyi nkuru yo gutaha kw’abasirikare ba Uganda bari mu itsinda (AMISOM) ry’abasirikare bari mu butumwa bwo kugarura amahoro muri Somalia yatangajwe. Uyu muryango w’ubumwe bwa Afurika ukaba wifuza ko uyu mwaka warangira byibura ugabanyije aba basirikare ho abasaga 1000.

Mu 2007 nibwo Uganda yohereje abasirikare bayo muri Somalia, abasaga ibihumbi 6000 nibo yari ifiteyo ndetse ari nacyo gihugu gifiteyo benshi.

N’ibindi bihugu nka Kenya, Burundi, Djibouti na Ethiopia ngo bigomba kugabanya abasirikare bifiteyo kuva ku wa 31 Ukuboza.

Mu gihe AU ivuga ko igiye kugabanya abasirikare bari mu butumwa bw’amahoro muri Somalia, impungenge ni zose kuko ibikorwa by’iterabwoba biracyakorwa, mu mezi abiri ashize, abacyekwa ko ari Al-Qaeda bateye igisasu mu murwa mukuru w’iki gihugu ‘Mogadishu’ gihitana abagera kuri 500.

 

WWW.GREATOF250.COM

Check Also

Urwanda rwatwitse toni 130 z’ibisasu byarengeje igihe…..

U Rwanda rwatangije igikorwa kizamara icyumweru cyo gusenya no guturitsa toni 130 z’ibisasu byarengeje igihe, ...

Leave a Reply

Your email address will not be published. Required fields are marked *