Kumyaka 65 yamavuko uyu mugabo wari minisitiri wingabo za Bongereza Dore ikintu yakoze…………

Minisitiri w’Ingabo w’u Bwongereza, Michael Fallon, yeguye ku mwanya we kuri uyu wa Gatatu nyuma yo kuvugwaho imyitwarire idahwitse nawe akabyiyemerera.

Mu itangazo yashyize ahagaragara, yagize ati “Mu minsi ishize hari ibyagiye bivugwa ku myitwarire y’abagize Inteko Ishinga Amategeko nanjye ndimo. Muri ibyo hari ibitari byo, ariko njye nemera ko mu gihe cyashize nigeze kwitwara nabi ku rugero ruri hasi y’urukenewe mu ngabo z’igihugu mfite umwihariko wo guhagararira.”

CNN ivuga ko mu ntangiriro z’iki cyumweru, uyu munyapolitiki w’imyaka 65 yasabye imbabazi umunyamakuru Julia Hartley Brewer wavuze ko hari umwe mu bagize guverinoma wamukorakoye ku itako mu birori by’ishyaka byabaye mu 2002.

Ntiyigeze avuga Fallon mu izina ariko yasobanuye ko uwo munyapolitiki yavanye ikiganza yari yamushyizeho ari uko amubwiye ko nakomeza ‘aramukubita ingume mu isura.’

Hartley-Brewer ntafata ibyamubayeho nk’ihohoterwa rishingiye ku gitsina, ati “yarabigerageje ndamwangira. Reka tubireke.”

Ku mugoroba wo ku wa Gatatu, abinyujije kuri Twitter yavuze ko ashidikanya ko Minisitiri Michael Fallon yeguye kubera kumukorakora.

Fallon wari n’umudepite mu ishyaka ry’Aba- conservateur niwe munyapolitiki wa mbere weguye mu gihe hamaze iminsi havugwa amakosa y’ihohoterwa rishingiye ku gitsina mu Nteko Ishinga Amategeko y’u Bwongereza.

Minisitiri w’Intebe, Theresa May, yategetse ko umwungirije Damian Green akorwaho iperereza kuko nawe avugwaho kugerageza gusambanya umwanditsi w’umukobwa.

Mu cyumweru gishize nabwo May yategetse ko Minisitiri w’Ubucuruzi Mpuzamahanga, Mark Garnier, nawe akorwaho iperereza nyuma y’uko yemereye ikinyamakuru ko yasabye umunyamabanga we wihariye kumugurira ibikoresho biryoshya imibonano mpuzabitsina akanamubwira amagambo areshya biganisha mu buriri.

Ibivugwa mu banyapolitiki b’u Bwongereza bije bikurikira abayobozi icyenda b’ubwato bw’intambara burwanira munsi y’amazi bw’icyo gihugu ‘Trident’ birukanwe, nyuma yo gusanga mu minsi bamara munsi y’inyanja birirwa basambanya abakozi b’abakobwa bakanywa n’ibiyobyabwenge.

Si mu Bwongereza gusa abakomeye bagaragayeho kuganzwa n’irari ry’igitsina kuko no muri Hollywood, igicumbi cya sinema muri Leta Zunze Ubumwe za Amerika, icyamamare mu gukora filime Harvey Weinstein ashinjwa n’abagore batabarika kubasambanya ku gahato.

 

 

WWW.GREATOF250.COM

Check Also

Urwanda rwatwitse toni 130 z’ibisasu byarengeje igihe…..

U Rwanda rwatangije igikorwa kizamara icyumweru cyo gusenya no guturitsa toni 130 z’ibisasu byarengeje igihe, ...

Leave a Reply

Your email address will not be published. Required fields are marked *