Ubushakashatsi bwagaragaje ko abantu bagenda buhoro baba bafite ibyago byinshi byo gupfa vuba…..

Ubushakashatsi bwagaragaje ko abantu bagenda buhoro baba bafite ibyago byinshi byo gupfa vuba ugeraranyije n’abantu bagenda bihuta.

Ubu bushakashatsi bwakorewe muri Kaminuza ya Leicester mu Bwongereza ku bantu 420 727 bakurikiranwe mu gihe cy’imyaka itandatu.

Bwagaragaje ko abantu bagenda buhoro baba abafite ibyago byo gupfa vuba byikubye hafi inshuro ebyiri abagenda bihuta. Zimwe mu ndwara zibahitana ni iz’umutima nkuko The Independent yabitangaje.

Ubushakashatsi kandi bwanitaye ku kuba uwabukoreweho anywa cyangwa atanywa itabi, ibilo bye ndetse n’amafunguro afata.

Byagaragaye ko abantu bakuru bafite ibilo bike aribo bakunze kugenda buhoro. Abakoze ubushakashatsi bemeza ko kugenda buhoro bishobora kwifashishwa upima ubuzima bw’umuntu.

Uwari uyoboye ubushakashatsi Prof Tom Yates yagize ati “Kugenda buhoro byaba ikimenyetso cyo kumenya abantu batagororotse kandi bafite ibyago byinshi byo gupfa.”

Si ubwa mbere ubushakashatsi bugaragaje ko kugenda buhoro ari ikimenyetso cyo gusatira urupfu kuko no mu mwaka wa 2009 hari ubushakashatsi bwerekanye ko abantu bagenda buhoro baba bafite ibyago byinshi byo kurwara indwara z’umutima zihitana benshi ku isi.

 

WWW.GREATOF250.COM

Check Also

Urwanda rwatwitse toni 130 z’ibisasu byarengeje igihe…..

U Rwanda rwatangije igikorwa kizamara icyumweru cyo gusenya no guturitsa toni 130 z’ibisasu byarengeje igihe, ...

Leave a Reply

Your email address will not be published. Required fields are marked *