Ibi nibimwe mubintu bidashobora kwibagirana mu mitima yabatuye isi…

Uko bukeye n’uko bwije niko ibikorwa by’iterabwoba bigenda bifata indi ntera hirya no hino ku isi, ugasanga inzirakarengane zitagira umubare zibigenderamo buri mwaka.

Dore ibitero 10 by’iterabwoba bitazibagirana kubera abantu byahitanye:

1.Igitero kuri World trade centre

Kuwa 11 Nzeri 2001, ibyihebe 19 byakoranaga n’umutwe wa Al-Qaida byashimuse indege 4 zitwara abagenzi z’amasosiyete 2 akomeye yo gutwara abantu n’ibintu mu ndege, bizikoresha mu kugaba ibitero ahantu hatandukanye muri Leta Zunze Ubumwe za Amerika. Ebyiri muri izi ndege zagonze imiturirwa ya World Trade Center muri New York hapfa abantu 2,996 abasaga 6,000 barakomereka.

2. Igitero ku ishuri rya Beslan

Kuwa 01 Nzeri 2004, Abanya-Chechenya bitwaje intwaro bafatiye bugwate abana b’abanyeshuri n’abantu bakuru hafi 1200 mu ishuri rya Beslan, riri muri Ossetia y’Amajyaruguru mu Burusiya. Kwigarurira iri shuri byarangiye kuwa 03 Nzeri hapfuye abantu basaga 330, barimo abana 186, mu gihe abandi basaga 700 bakomerekejwe.

3. Ibitero by’iterabwoba i Mumbai

Byabaye hagati y’itariki 26 kugeza ku itariki 29 Ugushyingo mu 2008, bibera mu duce dutandukanye nk’aho bategera gari ya moshi ahitwa Chhatrapati Shivaji, kuri Leopold Café , kuri Taj Mahal, kuri Tower Hotel, Kuri Oberoi Trident Hotel, kuri Metro Cinema, ku Bitaro bya Cama and Albles no kuri Nariman House.

Icyo gihe Abanya-pakistan 10 bakorana n’umutwe w’iterabwoba wa Lashkar-e-Tayyiba bagabye ibitero mu nyubako zitandukanye I Mumbai mu Buhinde, bica abantu 164. Icyenda muri aba nabo barishwe undi ararokoka. Uyu warokotse witwa Mohammed Ajmal Kasab, yaje kwicwa mu Ugushyingo 2012 akatiwe urwo gupfa.

4. Igitero ku ishuri rya Peshawar

Intagondwa z’Abataliban zagabye igitero ku ishuri rya gisirikare kuwa 16 Ukuboza 2014 zihitana abantu 141 bari biganjemo abanyeshuri, mbere y’uko ingabo za leta zongera kwisubiza iri shuri ryari ryigaruriwe.

5. Ibitero bya bombe kuri gari ya moshi i Madrid

Mu gitondo cyo kuwa 11 Werurwe 2004, iminsi 3 mbere y’uko amatora yari ateganyijwe muri Espagne aba, habayeho ibitero bya bombe ku hantu hagenzurirwa ingendo za gari ya moshi muri Madrid, hapfa abantu 192 abasaga 2,000 barakomereka.

6. Igitero ahabera ikinamico muri Moscow

Kuwa 23 Ukwakira 2002, inyeshyamba zibarirwa muri 50 z’Abanya-Chechenya zagabye igitero ku nzu iberamo ikinamico izwi nka Dubrovka Theatre muri Moscow, zifata bugwate abantu bagera muri 700. Nyuma y’iminsi 2 n’igice zigaruriye aha hantu ingabo z’u Burusiya zinjiye mu nyubako ku ngufu habaho guhangana abantu bagera mu 170 bahasiga ubuzima.

7. Ibitero muri Norvege

Hari kuwa 22 Nyakanga 2011, ubwo abantu 8 bicirwaga mu gitero cya bombe mu murwa mukuru, Oslo, mu gihe abandi 69 biganjemo urubyiruko bapfiriye hafi y’Ikirwa cya Utoya. Iki ngo akaba ari cyo gitero cyahitanye abantu benshi muri iki gihugu kuva intambara ya 2 y’Isi yarangira.

8. Ibitero i New Delhi

Kuwa 29 Ukwakira 2005, habayeho guturika kw’ibisasu ahantu hatatu hatandukanye mu murwa mukuru w’u Buhinde, New Delhi, abantu 67 bahasiga ubuzima abasaga 200 barakomereka. Abakora iterabwoba bakaba bari bateze ibikapu birimo za bombe mu masoko ya Sarojini nagar na Paharganj ndetse n’ahantu bategera bus.

 

9. Guturika kw’ibisasu muri Istanbul

Ibitero bine by’imodoka zitezemo bombe byabaye kuwa 15 Ugushyingo 2003 no kuwa 20 Ugushyingo mu murwa mukuru wa Turkiya, Istanbul, hapfa abantu 57 abandi basaga 700 barakomereka.

10. Ibitero bya bombe muri London

Kuwa 07 Nyakanga 2005 nibwo abiyahuzi bane bari mu modoka zuzuyemo ibisasu bagabye ibitero muri London rwagati bihagarika imirimo n’urujya n’uruza, abasivili 52 bahasiga ubuzima mu gihe abasaga 700 bakomeretse.

 

WWW.GREATOF250.COM

Check Also

Urwanda rwatwitse toni 130 z’ibisasu byarengeje igihe…..

U Rwanda rwatangije igikorwa kizamara icyumweru cyo gusenya no guturitsa toni 130 z’ibisasu byarengeje igihe, ...

Leave a Reply

Your email address will not be published. Required fields are marked *